|
Яъни, тоғутга кофир бўлиб, Аллоҳга имон келтирган кимсанинг имони мустаҳкам дастани ушлаб, ҳеч қачон ундан ажралмайдиган, унинг бир қисмига айланиб кетган кимса каби қаттиқ имондир.
Аллоҳ Таоло оятни Ўзининг улар ошкора қилаётган ишлардан ҳам, яширин қилаётган ишлардан ҳам Хабардорлигини айтиш билан якунлаяпти. Аллоҳ учун ҳеч нарса сир эмас. У Зот мўминларнинг содиқлигини ҳам, мунофиқларнинг мунофиқлигини ҳам, кофирларнинг кофирлигини ҳам билади.
وَاللّهُ سَمِيعٌ عَلِيمٌ
(Аллоҳ эшитгувчи, билгувчидир).
5. Оятлар мўминларнинг аҳволини баён қилишда давом этади. Аллоҳ уларнинг Дўстидир. Уларни зулматлардан нурга, залолатдан ҳидоятга, ботилдан ҳаққа олиб чиқиб, жаннатга киритади ва улар жаннатда абадий қолурлар.
Шунингдек, тоғутларга ибодат қиладиган кофирларнинг ҳам аҳволини баён қилади. Тоғутлар уларни нурдан зулматларга, ҳидоятдан залолатга бошлаб, ҳалокат чоҳига қулатади ва улар жаҳаннам ўтига тушиб, у ерда абадий қолурлар.
(اللّهُ وَلِيُّ الَّذِينَ آمَنُواْ Аллоҳ мўминларнинг дўстидир) яъни, уларнинг ёрдамчиси, мудофаачиси, ҳимоячиси. Бу мана бу оят кабидир:
إِنَّ اللَّهَ يُدَافِعُ عَنِ الَّذِينَ آمَنُوا
– „Албатта Аллоҳ имон келтирган зотларни мудофаа қилур“.
[22:38]
Яъни, ҳар қандай ёмонликдан Аллоҳнинг Ўзи паноҳ беради.
(يُخْرِجُهُم مِّنَ الظُّلُمَاتِ إِلَى النُّوُرِ Уларни қоронғу зулматлардан ёруғлик — нурга чиқаради) уларни тўғри йўлга ҳидоят қилади, эзгуликка муяссар айлайди, имонда барқарор этади ва улар куфру залолатга йиқилмайдилар.
(وَالَّذِينَ كَفَرُواْ أَوْلِيَآؤُهُمُ الطَّاغُوتُ Кофирларнинг дўстлари эса шайтонлардир) яъни, кофирларнинг таянчи, ҳимоячиси тоғутлардир, инсу жин шайтонларидир. Улар фақат адашиш ва йўлдан озишнигина зиёда қиладилар. (الطَّاغُوتُ) сўзи луғатда муфрад ҳам, жам ҳам бўлиб келади. Муфрад бўлиб келганда кўплиги (طواغيت ) бўлади. Шу ҳолатининг ўзида кўплик бўлиб ҳам ишлатилади. Масалан, шу оятда мана шундай кўплик маъносида қўлланяпти. Негаки, (يُخْرِجُونَهُم ) сўзи кўпликда келяпти.
122-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232